apa itu sajak sunda!? kasih contohnya 10 yah :(

01. Hapunten


Nyalindung ka nu Maha Agung 

Jenengan Allah nu Maha Murah 

Bismillah supaya teu salah 

Teu kaliwat nganggo solawat 


Ka Kakasih nu dipiasih 

Kanjeng Nabi solallohu alaihi wasalam  

Teu hilap nyebat ka para sahabat 


Teu lali ka ahlul bait 

Oge sumuhun ka para karuhun 

Ka indung nu dijungjung 


Ka bapa nu ngayuga  

Neda dihapunten ka sadayana 

Bilih aya lepat ucap 

Neda widi ka sadayana 

Abdi bade ngukir kecap



02. Rohang Kakuatan 


Mun ceuk Kami aya 

Mangka Hyang Rahman nyumponan 

Elmuning Hyang Widi jembar 


Ti mangsa ajali 

Sipat kahiji Pangeran 

Ngamparkeun kanyaahNa 

Ngajembarkeun kawelas asih 


Pikeun putra-putraNa 

Jeung kakasih-kakasihNa  

Nu ageng nu kagungan 

Papasten, mohal katampik    



03. Cinta Salawasna


Deuh, 

Kadeudeuh. 

Tina hiji wilangan 

Saheulaanan keur dunya 


Hakekatna kanggo salamina 

Dipaparinkeun ka kami sawareh, 

Sawareh alit pikeun pitrah suci jalmi 


Rumingkang, 

Rumingkang di bumi alam 

Saliwat mapay-mapay dunya 


Katingal sipatna Allah nu asihna 

Dina napsi-napsi jalmi, kagungan hate 

Hate suci pinilih, silih asih suka tulungan     



04. Masagi


Hurip geus jadi 

Hirup geus tangtu 

Agama jadi darma 

Dunya tempat ihtiar  


Laku lampah alam 

Ku opat kahirupan 

Geus jeneng aturan 

Ti Gusti Kahuripan




05. Wuku Widi Wiku  


Nincak kana munggaran 

Mangsi saban saban waktu 

Gagambaran na rohang papasten 


Tina saban saban nu usik 

Parat ngaleuwihan jarak 

Parat ngaleuwihan rohang 


Parat teu mental waktu 

Mukukeun rupi-rupi 

Di eusi weruh 

Saalitna dipasihkeun 



06. Nol


Anjeun nu sumebar  

Di langit tug bumi 

Anjeun nu teu kasampak 

Iwal anu kabuka hijabna 


Anjeun nu ngawujud 

Dina euweuhna 

Anjeun teu katingali 

Keur kakalayangan 


Anjeun nu leungit 

Dina kapendakna  

Elmu weruh ti nu teu sapira 

Teu sapira nu nuduhkeun elmu weruh 



07. Peteng


Kuring cikalna 

Mangka kuring nu dipikasieun  

Kuring bungsuna 


Tangtu kuring dipikaijid  

Kuring panengahna 

Jadi papait-mamanisna dunya 



08. Teu wujud


Poek Mongkleng  

Bet naha salira teh teu aya? 

Apan kuring teh aya! 

Ah, da salira mah teu sapira 

Saenyana mah kuring teh pangkuatna!  


Ngawujud keur teu wujud 

Teu wujud keur karasa 

Aya dina euweuhna 


Leungit dina ayana  

Moal eleh ku jaman, 

Di mana-mana aya 

Moal bisa diparat    


09. Demi Wanci


Demi wanci, 

Saestuna, 

Sadaya makhluk tunduk  

Demi wanci, 

Saestuna, 


Kami mah moal mundur 

Saeutik-eutik acan  

Demi wanci, 


Kami mah moal tunduk 

Iwal ka Gusti 

Jeung saha-saha 

Nu mipit mangpaat 

Kanggo nu mangpaat 



10. Saksi

  

Saksi Sagala Jaman 

Laku lampah dugi binasa 

Hirupna kuring 


Hirupna sakabeh mahluk 

Kuring paeh 

Mahluk paraeh  

Kuring boga kawasa 


Keur maraneh nu hirup 

jeung nu paeh 

Pikeun mawa maraneh 

Tapi moal sakali-kali 


Kuring ngaping maraneh  

Da kuring mah ngan ukur 

Jadi saksi sagala paripolah 

Maraneh 



semoga membantu:)